Perguntas- wh no Vêneto Brasileiro: uma proposta de trabalho para o ensino

Abstract

Sto artìgol el se taca a prezentarghe na incuizision sora i aspeti sintàteghi de łe costion matris de’l veneto braziłian da’l sponto de vista de ła Cartografìa Sintàtega e far na proposta par na mòduła gramategal-pedagòzega sora ‘ste struture co’l vis de insenjar e tenjir cueła łengua. Tenjesto in conto de’l fato che el veneto braziłian el ze na łengua de reità (FRASSON, 2022) che’l salta fóra co l’imigrasion tałiana a ła coa de l’Otosento, A se zmartise da verifegar, stravers na pacada indègol de’l portogheze braziłian (MIOTO, 1994, 2001) e łe łengue de’l nordest de l’Itałia (BONAN, 2021), come che łe dimande-wh matris de’l veneto braziłian łe se destriga fóra in rełasion a l’altarnansa intrà wh- in situ e wh- ex situ e a’l moimento de I a C. I dati de’l veneto braziłian i ze stà fati suzo te’l taren de’l prozeto de Inisiasion Sientìfega “Intarogative-wh nte’l tałian e l’altarnansa wh- in situ e wh- ex situ”, inviàndose da ciàcołe semi-struturàe co informadori biłengui de łengua portogheze braziłian/veneto braziłian de desconpanje età. I rezultài otenjisti i ne spałanca in mus che’l veneto braziłian l’è spòtego a algune łengue de l’Itałia nord-oriental, cofà el veneto trevizan, e a l’istes muò el sujerise saor portogheze braziłian. A se spera che ‘sto studio, propio cofà ła proposta de na mòduła de gramàtega pedagòzega, el vien a łaoràrghene par tirar vanti łe discusion teòreghe sora łe dimande wh- e sora el francar de łe łengue de reità.