Vocês entendem do que estamos falando? Educação escolar indígena e a política curricular no cotidiano da terra indígena Toldo Imbu em Abelardo Luz/SC

Abstract

Vēnhrá tag vȳ ta fóg ag pã’ĩ tȳ ēg kanhrãn fã to papé ránhrán ja tugnȳm ēg kanhkã vĩ ke ēmē nón. To kanhrãn kar to tugnȳm vēnh kanhró’e kri, kanhgang ag vĩ ke ēmē, fóg ta pã’ĩ tȳ ēg kanhrãn fã to papé ránhrán ja ti hãren kȳ nȳ ēmã ta toldo imbu kãki. Vēso vēnhrá ta rán rán ka nȳ tĩ tȳ ēg mȳ ēg hãren kȳ gĩr kanhrãn kej ke to tó. Fóg ta pã’ĩ tȳ ēg kanhrãn fã to papé ránhrán ja jãvãnh kȳ ũn ve ēn ven, ti heren kȳ kanhrãn fã kãki ke nȳtĩ kar tugnȳm, ti tȳ ēmã mȳ ki ã ke tĩ. Fóg ta pã’ĩ tȳ ēg kanhrãn fã to papé ránhrán mȳ ēg tȳ ēg kanhrãn tȳ’ ũ kar ēg to kinhra pē tugnȳm kar mȳ ēg ēmã mré ke. Ēg kanhkã kanhrãnrãn fã tȳ kanhgág ēmã ta toldo imbu, ēg kófa kar pã’i to kinhrãn ag hēren ka fóg ta pã’ĩ tȳ ēg kanhrãn fã to papé ránhrán ve ti. Vēnhrágrá tȳ ránrán kȳ nȳ to tugnȳm ke vē. To kanhrãn tég tag vȳ to rãnhrãj kar to vãmén fóg ta pã’ĩ tȳ ēg mȳ papé ránhrán kȳ ēg kanhrãn fã to. Fóg ta pã’ĩ tȳ ēg mȳ papé ránhrán tag mȳ ki hã ke nȳtĩ kar ēg kanhkã to ēkre ãn kinhrãg jé, mȳ ēmã mȳ há, ke tun mȳ tȳ há tūn. Vēnhrá tȳ ránrán kȳ nȳ tĩ kar ēmã kãki kanhrãn rãn fã, pã’i kar kófa tón to kanhrãn kar rán. Rãnhrãj tag vȳ rá’e, ti kar ki ja rãnhrãj mū ver. Ti rá régre ki ja ven mū to rá ve ki ūn fóg ag vēnhrá ta ki han kar to tugnȳm vēnhkanhrãn fã to papé to. Kar ja ver ta kãki ēg kófa ag kanhrãn fã kar kanhrãn fã to ven mū. Kãpãn, vēnhrá tēgtū , to kanhrãn ven ti to ki hã ke kar ēg kanhkã ta tu vĩ mū tĩ ēg to vãsãn to ve sĩ han. Ti rá vēnhkēgrá, sȳ hãren kȳ han ke, ka ja inha vēnhrá kar vãmer tag nón han. Kar, kãki kanhrãn fã cacique karenh kar inh ēmã ta toldo imbu to vãmén sĩ han. Kãki kanhrãn ta cacique karenh to kanhrãn tag pi ver tūg mū, hãre vēnh ãkre to rãnhrãj vȳ ki nȳtĩ. Kar kãjatun tūg ki inh vēnhrán tag to vãmen ja vȳ ta kanhrãn fã, kófa kar pã’i tȳ ti nén’ū hyn han jé kar to kanhrãn ja ki nén’ū há han kar inh vēnhrá tag ki to rãnhrãj.